Pechamos esta baixada en cascada
rememorando a fenecida fervenza de Ézaro, o parecer o único cadoiro de
Europa con caída ó mar, agora soamente visible cando as pertinaces
chuvias obrigan a aliviar a carga acuosa dos encoros: entón a fervenza
xorde con toda a súa forza, como reclamando o que é seu, ata que volve
amainar o tempo e torna a recluírse na cadea de cemento que a retén e
a encauza a traves duns espantosos tubos que, profanando a montaña,
rematan na central eléctrica erguida ó seu pé.
Non obstante, dende o verán do 2000 e pola
insistente presión da Asociación Neria e de intelectuais de Soneira, a
empresa condescendeo a abrir as comportas da presa un par de horas os
domingos, para que os cidadáns poidan deleitarse coa baixada dun escaso
caudal.
Tal favor motivou que o Presidente da Xunta,
Manuel Fraga Iribarne, aproveitase a ocasión para, nun alarde de
orixinalidade, inaugurar esta fervenza, único elemento da natureza que
se coñece que fose obxecto de tal honra. Haberá quen se conforme con
esto. Nós expoñémola aquí, como homenaxe póstuma a esta maravilla
da natureza que no seu día completaba o encanto desta vila mariñeira
xunto o impoñente Pindo e unímonos ás voces que continúyan
reclamando : "LIBERTADE PARA A FERVENZA DO
ÉZARO!"