|
Fotografías do
río Miño:
Castrelo de Miño - Vilanova de Cerveira.
Fotógrafo: Secundino Lorenzo.
Fotografía da
presa de Castrelo de Miño. Enfrente Ventosela.
Unha presa de
moi pouca capacidade, 60 Hm3 e 127 MW de potencia.
Feita en 1963-69. Nesta misma páxina tendes, no
partado de encoros do Miño
máis datos deste encoro.
Foi moi
contestada e realmente fixo moito daño no viñedo
sensacional da zona, que desapareceu asolagado. Penso que hoxe non se hubera
feito. Nesta misma páxina tendes toda esta
historia da presa de Castrelo de Miño..
Ponte de
Castrelo de Miño.
Ponte
histórico, tristemente histórico, que está a
pouco mais de medio km. por debaixo da Presa de
Castrelo de Miño.
A súa historia
e mais fotografías podedes velas noutro apartado de
fotografías do río Miño.
Fotografía do
río Miño en Francelos, preto de Ribadavia. A esquerda desemboca o río
Avia e enfrente o río Arnoia.
Ata aquí chega
actualmente a cola do encoro de Frieira.
Desembocadura do
río Arnoia no río Miño. Hoxe este lugar está anegado
polo encoro de Frieira.
Neste lugar, a un
km., está o Balneario de Arnoia.
Enfrente
desembocan o río de Barcia, o río Outeiro, e o río
de Melón, o río Cerves.
Panorámica dende un mirador que hai en
Filgueira, mirador de Guillade. Na
fotografía vense as dúas pontes que
atravesan o río Miño cara a Cortegada, tamén
Filgueira e Cortegada. No meandro desemboca
o río Deva (o de Quintela de Leirado). O
fondo a dereita está o balneario de
Cortegada e arriba na montaña Trado. Foto
Secundino Lorenzo.
Fotografía do
río Miño por debaixo de Filgueira. A ponte que leva
a Cortegada vese a esquerda. Un pouco máis abaixo
desemboca o río Deva que baixa de Quintela de Leirado e tamén
está o Balneario de Cortegada.
Esta fotografía
está sacada dende o tren que leva de Ourense a Vigo
e que vai ata Salvaterra de Miño a carón do canle do
río. Unha mágoa que o tren non permita sacar
fotografías directas, non hai ventanillas como fai
anos, o traxecto é marabilloso e ten unhas
paisases fora de serie.
Seguindo o río
Miño e antes de chegar a Frieira atopámonos co
Balneario antiguo de Cortegada; remodelado no ano
1937 e hoxe xa dedicado a outros menesteres.
Podedes
ver a súa historia na miña ficha do río Miño.
Na fotografía o
encoro de Frieira, de momento o último encoro do río
Miño antes de chegar o mar. Un encoro pequeno 44 hm3
cunha potencia de 147 MW hoxe aumentada xa que se
fixo ou deixaron facer unha minicentral na parte
esquerda da fotografía.
Este encoro é
unha auténtica desgracia para a subida de toda a
fauna piscícola do río Miño, por si fora pouco as
súas subidas e baixadas de nivel fan que os desoves sexan outra desgracia e algunhas especies como o
sables e sabogas non suban polas carecterísticas das
súas augas.
É de Gas
Natural Fenosa, a dona do río Miño. Podedes
ampliar os datos
en varias fichas desta páxina
web.
Esta fotografía
foi sacada fai máis de quince anos, e nela vese un
trociño da escala que tiña esta presa para subir as
anguías. Simplemente esperpéntica...
A fotografía
está feita a carón da presa de Frieira, na parte
dereita, según o sentido do río. Non hai datos de
subida de anguías...sería de risa...
Aquí tendes
como polo ano 2000 se recollían anguías nesta presa,
aproveitando esa saída de auga das comportas.
Aproveito esta fotografía, de agosto de 2000,
para dar as gracias o grupo ecoloxista do Ribeiro Coto do Frade, hoxe desaparecido, pola súa labor
e reivindicación da recuperación de centos de kg. de
anguías que non podían pasar neste encoro por non
estar previsto.
Neste link un pouco de historia.
Esta foi unha
das solucións que deu Fenosa a subida do salmón e a
anguía en Frieira; outro engano máis...
O malo
é que
ó pagamos todos.
Nesta misma páxina tendes o proxecto e
fotografías, proxecto cofinanciado pola Unión
Europea, seica era "ex-cátedra". Foi un
timo...
Esto é o que
hai hoxe. Autorizaron na parte dereita unha
minicentral e aproveitaron para facer unha escala de
peixes que se ve na fotografía. Seica gracias a esta
escala están a recollerse anguías e salmóns.
Descoñezo o dato estadístico, seica se teñen
recollido algún salmón e algúns kg. de anguías.
Estas
fotografías figuran nesta web xa que son a historia
pura e dura dunha ilegalidade feita no río Miño, xa
que ilegalidade é que os salmóns, troitas, anguías,
sabels, sábogas, e lampreas non poidan subir polo
seu río e facer un desove como facían fai anos.
Cando se fixeron estas presas a lei era clara,
"tiñan que facilitar a subida das especies migratorias..."
pero foi incumplida, era máis barato pagar a multa
ou non pagala... O demais, ver as fotografías,
son "paus de cegos" para tratar de xustificar o erro
estudiado.
Esta fotografía
onde se ve parte da presa de Frieira ten unha
peculiaridade: no medio, xusto enfrente,
desemboca o río Barxas ou río Troncoso e marca a
fronteira, a chamada "raia mollada" dende este lugar
e a desembocadura do río Miño. En total 75,5 km. de
río Miño que compartimos Galicia e Portugal. Parte dereita Galicia, parte esquerda Portugal.
A fotografía está
sacada dende a Estación de tren de Frieira.
Nesta
fotografía, sacada en abril de 2019 por S.
Lorenzo, vese mellor a desembocadura
do río Troncoso, xusto no medio enfrente.
Este río marca, a partir deste lugar,
a fronteira de España e Portugal.
Fotografía do
río Miño sacada en agosto de 2000. É a paisaxe que
hai por debaixo da presa de Frieira.
A misma
fotografía que a anterior sacada en febreiro de 2018. A partir deste lugar o río Miño é un caixón de sorpresas e de
marabillas.
Soio dous
datos:o primeiro é que en 25 kms do río Miño hai
nada menos que por riba das 400 pesqueiras que
son muros construídos no leito do río, que se
utilizaron e utilizan para pescar lampreas e salmóns
e que non entendo como inda hoxe no ano 2018 non son
patrimonio da humanidade. Son, sin lugar a dúbidas, un
patrimonio arquitectónico, paisaxístico e
medioambiental único.
O segundo dato
simplemente cito un texto de Cervera Valderrama no
ano 1908 que decía no seu libro " LA PESCA EN EL RÍO MIÑO":
"...es sin duda alguna el
Miño el vivero más rico y productivo de toda la
península Ibérica. La situación geográfica, la
tranquilidad de sus aguas, la carencia de
navegación y los numerosos afluentes que sin
régimen torrencial vierten las aguas en el río,
son componentes de primera calidad para criar
buena y abundante pesca. Y no solamente ha sido
y es magnífico vivero, sino por razón natural de
las condiciones del país en que está enclavado,
cuya riqueza es exclusivamente agrícola, lo será
por mucho tiempo; porque tardaremos de ver en él
las obras de canalización y muelles, y el ruido
de vapores y máquinas no ahuyentarán a los
peces, como los han expulsado de los del mar
Cantábrico, antes abundantes en las exquisitas
especies..."
Nesta fotografía,
sacada dende a Ponte Internacional Arbo-Melgaço
vense tres pesqueiras, neste caso da
parte de Portugal.
Si queredes profundizar no
que son as
pesqueiras, os tipos de pesqueiras e como se utilizan, podedes ver este término no meu
dicionario fluvial da páxina "Os ríos galegos".
Pesqueiras de Arbo, xusto debaixo da
Ponte Internacional. Esta pesqueira ten
catro poios e o rabo e son
pesqueiras de biturón. Como enfrente hai
unha similar, neste caso é
Portugal, a pesqueira pode considerarse
de rabo cruzado. (Esta fotografía é de
María Lorenzo)
Non descarto facer un
apartado das pesqueiras nesta ficha do río Miño.
Fala das pesqueiras o traballo
"A lamprea do río Miño" de
Alfonso Vázquez Martínez, que figura
neste traballo sobre o río Miño.
Neste trociño do río
Miño, sacada de Google Earth vese a
estación de Sela e unha das
pesqueiras mais famosa do Miño, a
pesqueira de Raña de Almansa en Sela.
Nótese que está enfrentada a outra
pesqueira esta na parte de Portugal que
se chama As Ranhas e fan así un
conxunto que se chama "pesqueiras de
rabo cruzado" de tal maneira que entre
as duas obligan a pesca a non ir polo
medio pola corriente e entrar desta
forma os vituróns ou veiróns.
Existe un catálogo de Pesqueiras
perfectamente estudiado que é de onde
tomo os datos anteriores e a fotografía.
Este catálogo está realizado pola
"Consultora galega s.l.".
O título do traballo é: " Bases de
actuación para o establecemento de
protección e posta en valor do sistema
de pesqueiras do tramo transfronteirizo
do río Miño"
Pesqueira " Raña de Almansa" de Sela
(Arbo). Río Miño, fotografía sacada na
estiaxe do río.
Esquema da pesqueira.
Os textos son do autor da web.
Pesqueira de Raña de Sela (descoñezo o
autor da fotografías. Realmente está
sacada dun sensacional traballo
feito por Consultora Galega S.L.
sobre as Pesqueiras do río Miño).
" É unha pesqueira
das máis sofisticadas a chamada de
"rabo cruzado" e compose de 5 poios,
cada un máis baixo que o anterior e
cruza o río obligando a pesca a
meterse nesa parte e ser pescada
cando sube. Cada poio ten dez metros
de largo e unha anchura entre eles
de 1 a 1,5 m, cunha altura de 2
metros, vai baixando en altura ata o
rabo"
Nesta fotografía, sacada o día
17/02/2018, vese esta pesqueira. O río
iba moi alto. En primeiro término un
pequeno cobertizo onde se gardan as
redes, etc. logo vese parte da pesqueira
e tamén o efecto que fai no río en V,
o que se chama pesqueira de rabo
cruzado.
Outra fotografía desta pesqueira.
O río
Miño ese día iba moi alto o que impide
ver a pesqueira ó completo, quedan
poios e o rabo ocultos.
Esta
pesqueira é das máis completas do río
Miño.
A
zona, a praia de Sela, o entorno, os
paneis informativos tanto da pesqueira
como da ruta das pesqueiras deixoume
impresionado. A miña enhoraboa os
responsables; merece a pena facerlle
unha visita.
Outra fotografía desta
pesqueira sacada os dous días,
20/02/2018, e co río un pouco máis
normal.
Praia de Sela
perfectamente cuidada e cuns accesos con
moito gusto e ben estudiados, permiten
acceder en silla de rodas. En frente un
estanque piscina de augas termais
e a dereita a pesqueira. En cada rincón
unha explicación sobre os tipos de
pesqueiras, a pesca no río Miño, as
especies pescables e datos da ruta das
pesqueiras; tamén as características das
augas termais da piscina. ¡Así se fan as
cousas!...
De
volta de Sela subín o alto de San Fins,
670 m., dende onde podemos ver todo o
val do Miño dende Filgueira ata Tui.
Espectacular. Costa chegar a capella
dedicada o santo e o mirador pero merece
a pena. As montañas que se ven son de
Portugal, Melgaço e Monçao.
Outra vista dende o alto de San Fins.
Estas rochas que máis ben semellan seres
de fai millóns de anos, macho e femia,
parecen contemplar e con moito gusto
esta paisaxe singular e marabillosa.
Fotografía do río Miño en Arbo. De frente
pola marxen dereita desemboca o río Deva o
que nace en terras da Cañiza. Neste lugar o
río fai uns meandros espectaculares.
Este
día fixeron a baixada, dende Frieira,
alumnos do Ies As Lagoas de Ourense e tuven
a sorte de sacar esta fotografía.
Na
fotografía hai varias pesqueiras.
Outra
vista con pesqueiras en Arbo. A man
esquerda Portugal, a man dereita España.
Fotografía
sacada polo autor da web onde se ven os poios, neste
caso catro, entre os cales se pon o
viturón (vutrón ou voitirón) que será o que
pesque os peixes. Nos dous da esquerda está
posto.
Río abaixo,
fotografía dende o tren. 2018. Unha mágoa que
non se poida sacar mellor, as paisaxes que hai
entre Frieira e preto de Tui, onde se desvía
para Porriño, son espectaculares; merece a pena
facer o traxecto.
Outra imaxen,
tamén feita dende o tren, Ourense-Vigo...nótase
ben...
Ese día 0
07/02/2018 saquei moitas fotografías pero non
tuven sorte, aparte do doble luna do tren estaba
chovendo. As fotografías que eu vía eran
acuarelas pero o resultado moi malo...
Fotografía do río Miño sacada en Salvaterra
do Miño o 20/02/2018. O fondo a ponte que
cruza a Monçao en Portugal.
Salvaterra de Miño ten un entorno a beira do
río marabilloso e moi cuidado: xardíns,
paseo fluvial e as beiras do Miño moi
cuidadas.
Outra fotografía
(13/02/2014)
do río Miño dende a Comandancia de Marina de Tui. O
río estaba un pouco subido. Na fotografía
vese o patrullero "Cabo Fradera", que é o
que se encarga da vixianza desta zona,
controlando a fronteira con Portugal
Outra fotografía,
ano 2015,
do río Miño dende a Fortaleza, en Valença (Portugal)
Na fotografía vese Tui ó fondo e a ponte
vella internacional Valença - Tui que foi
inaugurada o 25 de marzo de 1886, pero que
xa en 1884 estaba operativa, obra do rioxano Pelayo Mancebo y Ágreda.
Ten unha lonxitude de 399 m.
Durante
cen anos tuvo que soportar todo o tráfico de
fronteira tanto por estrada como por tren;
era a única ponte na zona que unía a España
e Portugal.
A ponte
que foi realizada pola empresa belga "Braine
de Compte" por 205.766.000 reais, que
pagaron entre os gobernos de España e
Portugal. facía o mismo tempo de
ferroviaria, na parte de arriba, viaria na
parte de abaixo e peatonal nas beiras da
parte de abaixo.
Os
inxeneiros foron o principio Eugenio e
Ernesto Rolín, e logo Augusto Cazaux.
O único
que se cambiou do proxecto de Pelayo Mancebo
foron os pilares que estaban previstos
metálicos e remataron sendo de pedra.
Nesta fotografía, vese
unha maqueta desta ponte así como
fotografías da súa inauguración; está
feita na Fortaleza, en Valença (Portugal),
onde hai unha sala dedicada a lembrar a
importancia que tuvo esta Ponte na
comunicación no Baixo Miño de España e
Portugal.
Observar que o tren vai por riba e os autos
e os peatóns por baixo.
Nesta fotografía, tamén
feita na exposición, figura a
lembranza da conmemoración da Inauguración
que foi o vintecinco de marzo de 1886. A
esquerda figura a fotografía da misma e a
dereita o texto do periodista Gullherme da
Silva que escribiu o evento para o diario
"O Valenciano", no II aniversario. Seica as
autoridades de España e Portugal chegaron
ata o medio da ponte en dous trens
distintos, a locomotora española tiña por
nombre "Alfonso XII" e a portuguesa "Valença", alí fixeron as presentacións os
inxeneiros representantes das dúas liñas
ferreas e logo pasarían a estación de
Valença, onde se rematou o acto, no que non
faltou nada, concertos, bandas de música,
comida, etc.. Asistiron
máis de oito mil persoas.
Fotografía do evento o 25 de marzo de 1886,
descoñezo o autor da misma. Ese día a xente,
máis de oito mil personas, aglutinouse
no comenzo da Ponte en terras Tui (España), na Ponte en si
como pode verse, e na parte final da Ponte,
xa en terras de Valença (Portugal). Finalmente na Estación
de Valença, onde tuveron lugar parte dos
actos programados.
Fotografía, dende o mirador de Vilanova de
Cerveira, das ínsuas Boega e Dos
Amores, as dúas de Portugal. O fondo á
dereita o monte Tegra e no medio a
desembocadura do río Miño.
Fotografía, dende o
paseo de Vilanova de Cerveira; paseo onde
está entre outras cousas o Parque Castelinho
e o Aquamuseo do río Minho, unha marabilla
que hai que visitar. O fondo á Ponte
da Amizade que une Vilanova de Cerveira e o
Rosal.
Vista
panorámica: a esquerda Vilanova de Cerveira e
a dereita a Ponte da Amizade, que comunica Portugal
con España; Vilanova de Cerveira e o
Rosal.
 Volver
á río Miño
 Volver
a río Miño
|