Caldas de Reis  (Pontevedra)

        18/01/2019

 

 

COMUNICADO DA COORDINADORA ANTI-ENCORO DO UMIA

 

A anunciada xuntanza da semana próxima entre os responsables municipais constituídos en comité de crise e a conselleira de Infraestruturas da Xunta, para abordar supostas actuacións no río cara a solucionar os problemas de potabilidade do Umia, resulta para a Coordinadora unha broma de mal gusto, xa que non é a Conselleira Vázquez (Ethel), encargada de administrar o “formigón” a que ten que dar esa solución, senón a Conselleira Vázquez (Ánxeles), como responsable do medio ambiente e patrimonio natural de Galicia, a que ten que afrontar o problema.

 

A Coordinadora lembra que aínda que paradóxicamente o organismo Augas de Galicia está adscrito na actualidade á Consellería de Infraestruturas, os órganos encargados da protección do río son, ou deben de ser, a Dirección Xeral de Calidade Ambiental e a Dirección Xeral de Patrimonio Natural, amén da Dirección Xeral de Saúde pública adscrita á Consellería de Sanidade, segundo as competencias que a cada un destes órganos lles atribúen as leis.

 

A intervención no Umia da Consellería encargada das estradas e autovías da pistas xa da maneira en que se pretende afrontar o grave problema ambiental e de saúde pública no Umia:  metendo máis formigón e continuando a dilapidar os recursos de todos, gastando cartos que deberían satisfacer necesidades sociais ou calesquera outra de interese para a cidadanía.

 

Nin siquera se os cartos que pretender gastar foran dos seus bolsillos estaría de acordo a Coordinadora, xa que o estado do río e da auga require non demorar máis a verdadeira solución do problema: o desmantelamento do negocio hidroeléctrico.

 

 

Caldas de Reis 18/01/19

                     

 

 

Coordinadora Antiencoro do Umia

 

Enderezo postal: Rúa José Salgado N-4.2 – CP 36650 Caldas de Reis (Pontevedra)

Tlfnos. 630830815  - rioumia@hotmail.com

/elenavaz/index.htm

 

 

 

Saír.