Notas sobre as augas
termais.
Denomínase auga termal á que emana á superficie cunha
temperatura 5°C máis alta que a temperatura da auga do suelo
nas que se atopa ou das augas da superficie, por suposto hai
outras definicións... Estas augas
proceden de capas subterráneas da Terra que se encontran a
maior temperatura; son ricas en diferentes compoñentes
minerais, que arrastrou as augas pluviais, e permiten a súa utilización en tratamentos
terapéuticos como: baños, inhalacións, irrigacións…
Xeralmente atópanse ao longo de liñas de fallas pois nelas
poden introducirse as augas subterráneas que se quentan ao
chegar a certa profundidade e soben despois en forma de
vapor (que pode condensarse ao chegar á superficie, formando
un géiser) ou en forma de auga quente.
Neste dibuxo enténdese cando se fala das augas que
producen as surxencias da infusión e a
ebullición. As augas pluviais o filtrarse vai
collendo minerais ata llegar o foco térmico, ou sexa
unha infusión clara, logo prodúcese, ó quentarse a tope,
a ebullición e polo tanto a saída o exterior o que se
chama a surxencia, que son as augas quentes que dan
lugar as fontes, termas, charcas, etc.
As augas termais clasifícanse desde diversos puntos de vista
: físico, químico, fisicoquímico, bacteriolóxico e outros.
Non hai criterios de clasificación estandarizados. O de
maior aceptación a nivel mundial é o baseado na
mineralización predominante e especial que poden conter as
augas. Así temos augas sulfuradas, cloruradas, sulfatadas,
ferruginosas, bicarbonatadas, carbónicas, radioactivas…
Clasificación de acordo coa súa temperatura
Considerando a temperatura fisiolóxica do corpo humano,
temperatura na cal non se sinte nin frío nin calor, as augas
termais poden ser clasificadas en:
-
Augas frias: augas
con temperaturas inferiores a 20 ºC.
-
Augas hipotermais: augas
con temperaturas entre 20º C. e 35 ºC.
-
Augas mesotermais: augas con temperaturas entre
35 e 45 ºC.
-
Augas hipertermais: augas con temperaturas
superiores a 45 ºC.
-
Augas supertermais:
augas superiores a 100
Cº.
Clasificación dacordo coa súa mineralización global
Considerando a súa mineralización global, é dicir, o total
de sólidos disoltos nas augas termais, estas pódense
clasificar en:
-
Oligominerais: conteñen sólidos disoltos en
concentración inferior a 100 mg/L;
-
De mineralización moi débil: conteñen sólidos
disoltos entre 100 e 250 mg/L;
-
De mineralización débil: conteñen sólidos
disoltos entre 250 e 500 mg/L;
-
De mineralización media: conteñen sólidos
disoltos entre 500 e 1000 mg/L;
-
De mineralización forte: conteñen sólidos
disoltos en concentración superior a 1000 mg/L.
Clasificación dacordo á súa composición
Cando as augas termais teñen máis dun gramo por litro de
mineralización global, a clasificación das augas, segundo a
súa composición, faise de acordo ao seu contido aniónico e
catiónico predominante. As augas termais considéranse como
bicarbonatadas, cloruradas, sulfatadas, sódicas, cálcicas ou
magnésicas cando o ión correspondente supera o 20% do contido
aniónico ou catiónico. Cando a mineralización non supera o
gramo de residuo por litro indícase só como ións
predominantes seguindo o criterio anterior.
En España clasifícanse como augas ferruxinosas as que teñen
máis de 5 mg/L de ferro total e como augas sulfuradas as que
teñen máis de 1mg/L de xofre en forma de H2S (sulfhídrico)
ou de HS (bisulfuro).
Clasificación dacordo ao seu pH
-
Ácidas: cando o pH é inferior a 6,8.
-
Neutras: cando o pH está entre 6,8 e 7,2.
-
Alcalinas: cando o pH é superior a 7,2.
Clasificación pola súa orixe xeolóxica
Segundo este criterio poden ser clasificadas como magmáticas
ou telúricas.
-
As augas magmáticas. Son primitivas. Xorden
dunha directa relación con filóns metálicos ou
eruptivos. As súas temperaturas son elevadas, sempre
superiores a 50ºC. Teñen un caudal periódico, rítmico e
constante e a súa temperatura e composición tamén son
constantes.
-
As augas telúricas. Denomínanse tamén augas de
“infiltración” e poden xurdir de cualquera tipo de
terreo. O seu caudal é variable, segundo os réximes de
chuvia e estacións do ano. As temperaturas rara vez
chegan aos 50 ºC . O grao de mineralización é de mediano
a baixo e a concentración de minerais é inversamente
proporcional ao seu caudal.
O aproveitamento das augas mineromedicinais en Galicia ten
unha antiquísima tradición aínda que, como case todos os
balnearios españois, tivese épocas de declive. A súa
utilización remóntase, polo menos, á época da dominacion
romana como o atestiguan restos arqueolóxicos e lápidas
votivas atopadas nas proximidades de balnearios como Acuña,
Bande, Cuntis, Lugo ou Mondariz entre outros.
Principais indicacións das augas minero-medicinais.
As cloruradas son estimulantes sendo a súa principal
aplicación tópica, estimulan a cicatrización e melloran as
afeccións óseas e son favorables en procesos respiratorios e
cutáneos.
As sulfatadas son útiles en dispepsias dixestivas e
discinesias biliares.
As bicarbonatadas compórtanse como antiácidos e
alcalinizantes.
As sulfuradas pola súa gran capacidade oxidoreductora
utilízanse en procesos dermatolóxicos, reumáticos,
respiratorios crónicos e otorrinolaringolóxicos.
As ferruxinosas estimulan a hematopoese (renovación
da sangue) e as oxidacións titulares, sendo a
biodisponibilidade do ferro moi importante.
As radioactivas son sedantes e analxésicas,
utilízanse en afeccións reumáticas, respiratorias crónicas e
trastornos psicolóxicos.
As oligometálicas compórtanse como diuréticas, sendo
os seus principais usos as litises renais.
--o--
Nota:
O texto, que me parece moi
interesante para entender sobre as augas termais de
Galicia, está feito por Ana Sánchez e copiado da páxina web
das Termas de Guitiriz. Unicamente cambiei a clasificación
en canto a temperatura (así coincide cós datos que teño
sobre as augas de Ourense).
Engadín dibuxos, con explicacións moi interesantes, dun traballo dos nenos do IESASOREY.
A súa bibliografía Montaxe e fotos: Adela Leiro, Mon Daporta
BIBLIOGRAFÍA: “A Auga”: Valeria Martínez Ropero, Julio César
Iglesias Feijoo. Ed A Nosa Terra, Vigo, 2002. “Guía de
balnearios e fontes de Galicia”: Tomás Ares Güimil, Mª Xesús
Vila González. Ed Galaxia, Vigo, 1997.
Volver
a augas termais do Miño en xeral
Volver a disfruta do Ribeiro.